Ջրառատն ու Կաթնաղբյուրը մինչև 100 երեխայի համար նախատեսված մոդուլային դպրոցներ կունենան

ՀՀ կառավարության «Փոքր թվակազմ ունեցող դպրոցների կառուցում» ծրագրի շրջանակում Կոտայքի մարզի Ջրառատ և Կաթնաղբյուր համայնքներում մոդուլային դպրոցների կառուցման աշխատանքներն ընթացքի մեջ են: Այս մասին հայտնում է Կոտայքի մարզպետ Ահարոն Սահակյանը:

Ներկա փուլում երկու դպրոցների պատերը հիմնականում շարված են, ավարտվել են նաև շենքերի բետոնե ծածկերի տեղադրման աշխատանքները:

Ջրառատում տանիքը և պատուհանները մասամբ տեղադրվել են, որոշ աշխատանքներ են կատարվել նաև ներսի հատվածում, իսկ Կաթնաղբյուրում ընթացքի մեջ է նախագծով նախատեսված ապաստարանի կառուցման աշխատանքները:

Ըստ շինարարների, դպրոցները սահմանված ժամկետում՝ սեպտեմբեր-հոկտեմբեր ամիսներին, հանձնվելու են շահագործման: Մինչև 100 երեխայի համար նախատեսված հանրակրթական դպրոցները ծառայելու են ոչ միայն որպես կրթարաններ, այլև կատարելու են մշակութային տների գործառույթներ:

Դիտումների քանակ34