«Հայաստան» համահայկական հիմնադրամի կողմից ՀՀ սահմանամերձ համայնքներում իրականացվող ծրագրերից մեկն ուղղված է Սյունիքի մարզի զարգացմանը: Այդ մասին ասված է «Հայաստան» համահայկական հիմնադրամի Ֆեյսբուքի էջում:
«Այստեղ իրականացվում են համայնքային, կրթական և սոցիալական նշանակության մի շարք խնդիրների լուծմանն ուղղված ծրագրեր:
Հիմնադրամի աշխարհասփյուռ գործընկերների միջոցներով ծրագրի առաջին փուլով Սյունիքի մարզի Շուռնուխ, Խոզնավար, Արավուս և Դավիթ Բեկ համայնքներում տեղադրվում են արևային ջրատաքացուցիչներ»,- նշված է գրառման մեջ:
