Փետրվարի 8-ին ՀՀ-ում Արցախի Հանրապետության մշտական ներկայացուցչությունում հանդիպել են Արցախի ԱԺ նախագահ Արթուր Թովմասյանը և ՀՀ-ում Արցախի Հանրապետության մշտական ներկայացուցիչ Սերգեյ Ղազարյանը։
Սերգեյ Ղազարյանը խորհրդարանի ղեկավարին է ներկայացրել ՀՀ պատկան գերատեսչությունների, տեղահանված արցախցիների, բարեգործական կազմակերպությունների և Սփյուռքի հետ ներկայացուցչության կողմից իրականացվող աշխատանքներն ու 2022-ի համար նախանշված անելիքները։
Հանդիպման ժամանակ քննարկվել են նաև Արցախի ԱԺ-ի կողմից Արցախի և արցախցիների շահերի պաշտպանությանն ուղղված աշխատանքները։
