ԱՄՆ զինվորականների տեղափոխումը Եվրոպայում սրում է տարածաշրջանում ռազմական լարվածությունը։ Այդ մասին հայտարարել է Ռուսաստանի արտգործնախարարի տեղակալ Ալեքսանդր Գրուշկոն, հայտնում է Интерфакс-ը:
«Արդարացում չունեցող, ապակառուցողական քայլեր են, դրանք սրում են ռազմական լարվածությունը, նեղացնում քաղաքական լուծումներ գտնելու դաշտը»,- ասել է փոխարտգործնախարարը:
Նրա խոսքով՝ դա քայլ է «միայն հուրախություն Կիևի իշխանությունների, որոնք կշարունակեն անպատիժ սաբոտաժի ենթարկել Մինսկի պայմանավորվածությունները»:
Պենտագոնը փետրվարի 2-ին հայտնել էր, որ լրացուցիչ զորամիավորումներ կտեղափոխի Ռումինիա, Լեհաստան և Գերմանիա:
