Հայաստանի և Թուրքիայի միջև հարաբերությունների կարգավորումը կնպաստի տարածաշրջանում ընդհանուր իրավիճակի առողջացմանը և վստահության ու բարիդրացիության մթնոլորտի ձևավորմանը։ Այդ մասին ամենշաբաթյա ճեպազրույցի ժամանակ ասել է Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան:
Նրա խոսքով՝ Ռուսաստանը բազմիցս պատրաստակամություն է հայտնել միջնորդական ջանքեր գործադրել հայ-թուրքական հարաբերությունների կարգավորման ուղղությամբ:
«Հատուկ ներկայացուցիչների նշանակումը տրամաբանական և խելամիտ քայլ է հարաբերությունների կարգավորման փոխադարձ ձգտման զարգացման համար»,- հավելել է ՌԴ ԱԳՆ պաշտոնական ներկայացուցիչը:
