Ի պատասխան ԱՄՆ-ի շարունակական ճնշումների՝ Չինաստանի իշխանությունները նախատեսում են հակազդման միջոցներ կիրառել վերջերս ՉԺՀ-ում ընդունված՝ միակողմանի պատժամիջոցներին հակազդելու մասին օրենքի հիման վրա: Այս մասին հայտնել է Չինաստանի ԱԳՆ պաշտոնական ներկայացուցիչ Չժաո Լիցզյանը։
«ԱՄՆ-ը Սինցզյանում, այսպես կոչված, մարդու իրավունքների խախտման պատրվակով, Չինաստանի պաշտոնատար անձանց նկատմամբ ապօրինի պատժամիջոցներ է կիրառում»,- հայտարարել է նա ճեպազրույցի ժամանակ՝ հավելելով, որ Պեկինը որոշել է Վաշինգտոնի նկատմամբ հայելային միջոցներ կիրառել օտարերկրյա պատժամիջոցներին հակազդելու մասին օրենքի հիման վրա:
Դիվանագետի խոսքով՝ ԱՄՆ-ի գործողությունները հարվածում են չին-ամերիկյան հարաբերություններին:
