ՀՀ քաղաքաշինության, տեխնիկական և հրդեհային անվտանգության տեսչական մարմինը ՀՀ պարեկային ծառայողների հետ դեկտեմբերի 15-ին համատեղ վերահսկողական աշխատանքներ է իրականացրել Երևանի Կենտրոն վարչական շրջանում և դրան հարակից տարածքներում։
ՔՏՀԱ տեսչական մարմինը COVID-19-ի հակահամաճարակային կանոնների պահպանման մակարդակը դիտարկելու նպատալով ուսումնասիրել է կանոնավոր և ոչ կանոնավոր ուղևորափոխադրում իրականացնող 35 տրանսպորտային միջոց։
Հայտնաբերվել է հակահամաճարակային կանոնների խախտման 3 դեպք, որոնք վերաբերել են վարորդների կողմից դիմակ չկրելուն։ Դրանց հիմքով կազմվել են վարչական արձանագրություններ։
