Ամերիկյան ազդեցիկ Time ամսագիրը «տարվա մարդ» է համարել SpaceX-ի և Tesla-ի հիմնադիր, համասեփականատեր և ընկերությունների գաղափարական ոգեշնչող Իլոն Մասկին՝ գրում է BBC-ն:
Ավելի վաղ Time-ը հայտնել էր «Տարվա հերոսներ» անվանակարգում հաղթածներին: Դրանք վիրուսաբաններն են, որոնք աշխատել են կորոնավիրուսի դեմ պատվաստանյութերի ստեղծման վրա և փնտրում են այդ հիվանդության բուժման մեթոդները:
Ամսագիրը «տարվա լավագույն կատարող» է ճանաչել ամերիկացի երգչուհի Օլիվիա Ռոդրիգոյին, իսկ «լավագույն մարզուհի»՝ ԱՄՆ-ից մարմնամարզուհի Սիմոնա Բայլզին։
Ընտրությունը Time-ի խմբագիրների բացառիկ իրավասությունն է, և նախկինում «տարվա մարդ» են դարձել այնպիսի օդիոզ անհատականություններ, ինչպիսիք են Ադոլֆ Հիտլերը, Իոսիֆ Ստալինը և այաթոլլա Խամենեին:
