«Ալաշկերտն» ավարտեց իր ելույթներն ՈւԵՖԱ Եվրոպա Կոնֆերենցիաների լիգայում: Խմբային փուլի A խմբի 6-րդ մրցափուլի «Ալաշկերտ»-«Մաքաբի Թել-Ավիվ» (Իսրայել) հանդիպումն ավարտվեց ոչ-ոքի` 1:1 հաշվով:
Երևանյան թիմի կազմում հաշիվը բացեց Բոլյեվիչը՝ հիմնական ժամանակի ավարտից 12 րոպե առաջ: Հիմնական ժամանակի վերջին րոպեին հյուրերը խփեցին պատասխան գոլը:
A խմբում առաջին տեղն զբաղեցրեց ԼԱՍԿ-ը՝ 16 միավորով: «Մաքաբին» 11 միավորով երկրորդն է: ՀԻԿ-ը գրավեց երրորդ տեղը՝ վաստակած 6 միավորով, իսկ Հայաստանի չեմպիոնը 1 միավորով եզրափակեց խմբի մրցաշարային աղյուսակը:
