Դեկտեմբերի 4-ին հյուրընկալվել էինք Expo 2020 Dubai-ում Ռուսաստանի տաղավար՝ մեր գործընկերների հետ միասին տոնելու Էքսպոյում Ռուսաստանի Դաշնության ազգային օրերը: Այս մասին Ֆեյսբուքի իր էջում հայտնել է ՀՀ էկոնոմիկայի նախարար Վահան Քերոբյանը:
«Միջոցառման ընթացքում առանձին հանդիպում եմ ունեցել ՌԴ արդյունաբերության և առևտրի նախարար Դենիս Մանտուրովի հետ։
Քննարկել ենք մեր երկրների երկաթուղային համակարգերը միացնելու, Հայաստանում համատեղ արտադրություններ սկսելու հնարավորությունները։ Անդրադարձել ենք Հայաստանի տնտեսության մրցունակության բարձրացմանն ուղղված այլ հարցերի ևս»,- գրել է նախարարը:
