Որսի կանոնների խախտումների կանխարգելման, ապօրինի որսի դեպքերը բացառելու նպատակով Բնապահպանության և ընդերքի տեսչական մարմնի և «Դիլիջան ազգային պարկ» ՊՈԱԿ-ի աշխատակիցները համատեղ ստուգայցի ընթացքում նոյեմբերի 17-ի գիշերը ազգային պարկի «Դիլիջան տեղամաս» մասնաճյուղի տարածքում ապօրինի որս կատարելու կասկածանքով կանգնեցրել են Երևան քաղաքի բնակիչ Վ. Հ.-ի վարած «Նիվա» մակնիշի ավտոմեքենան։
Մեքենայում հայտնաբերված «ՏՈԶ-120» տիպի որսորդական երկփող հրացանը, 31 հատ 12 մմ տրամաչափի փամփուշտը և լուսարձակն առգրավվել են:
Փաստի առթիվ նախապատրաստվում են նյութեր։
