Լոս Անջելեսի քաղաքապետարանի շենքը լուսավորվել է հայկական եռագույնով։ Այս խորհրդանշական քայլն արվել է Արցախյան 44-օրյա պատերազմի հրադադարի առաջին տարելիցի առիթով՝ ի հիշատակ զոհվածների և ի համերաշխություն Ադրբեջանում դեռևս գերության մեջ գտնվող հայ ռազմագերիների։ Այդ մասին Ֆեյսբուքի իր էջում հայտնել է Լոս Անջելեսում ՀՀ հյուպատոս Արմեն Բայբուրդյանը:
«Շնորհակալություն Լոս Անջելեսի քաղաքային խորհրդի ամբողջ կազմին և խորհրդի անդամ Փոլ Կրեկորյանին»,- գրառումը եզրափակել է դիվանագետը։
