Վենեսուելայի արտաքին գործերի նախարար Ֆելիքս Պլասենսիան հայտարարել է, որ Մոսկվայում ՌԴ ԱԳ նախարար Սերգեյ Լավրովի հետ բանակցություններում հայտնել է ԵԱՏՄ գործունեությանը մասնակցելու՝ Կարակասի հետաքրքրության մասին, հայտնում է ТАСС-ը:
«Մենք փնտրում ենք հնարավորություններ, որ թե՛ կազմակերպության մասնակիցները, թե՛ Վենեսուելան օգուտ քաղեն համագործակցությունից: Մենք նաև ցանկանում ենք ակտիվորեն մասնակցել Եվրասիական համաժողովին, արդեն մասնակցության հայտ ենք ներկայացրել»,- ասել է Պլասենսիան:
Վենեսուելայի դիվանագիտական գերատեսչության ղեկավարը նոյեմբերի 7-9-ը պաշտոնական այցով Մոսկվայում է: Նոյեմբերի 8-ին նա բանակցություններ է վարել Սերգեյ Լավրովի հետ։
