Բրազիլիայում փրկարարական խմբի ինը անդամ զոհվել է ուսումնամարզական վարժանքների ժամանակ քարանձավի փլուզման հետևանքով՝ հայտնում է Associated Press-ը:
Գործակալության տվյալներով՝ վարժանքներին ընդհանուր առմամբ մասնակցել է 27 մարդ։
Գործողությունների ժամանակ փլուզվել է քարանձավի մի մասը, ինչի հետևանքով 16 մարդ արգելափակվել է:
Սան Պաուլոյի հրշեջ վարչությունից հայտնել են, որ ինը մարդու կյանք չեն կարողացել փրկել, մեկը հոսպիտալացվել է թեթև վնասվածքներով:
