Գյումրեցի մարզիկ Դավիթ Չալոյանը շարունակում է պայքարը բռնցքամարտի աշխարհի առաջնությունում: Նա դուրս է եկել 1/8 եզրափակիչ: Այս մասին հայտնում է մարզաձևի Հայաստանի ֆեդերացիան:
1/16-րդ եզրափակչում Չալոյանին բաժին էր հասել բավականին բարդ մրցակից՝ Ուկրաինան ներկյացնող Ցոնտե Ռոգավան, որի անձնական մարզիչը հայ է:
Ուկրաինայի հավաքականում ընդգրկվելու համար իր երկրի առաջնությունում Ռոգովան պարտության էր մատնել մինչև 22 տարեկանների Եվրոպայի չեմպինին: Առաջին ռաունդում մեր մարզիկը հաղթել է 3:2 հաշվով: Երկրորդ ռաունդում Դավիթն է՛լ ավելի է մեծացրել իր առվաելությունը:
Հասկանալով, որ պարտվում է երրորդ ռաունդում, Ռոգավան նետվել է առաջ: Այս ռաունդը բավականին բարդ է ստացվել: Երկու բռնցքամարտիկներն էլ միմյանց շատ ուժգին հարվածներ են հասցրել:
Այդուհանդերձ, այս ռաունդում էլ մրցավարներն առավելությունը տվել են Չալոյանին, և նա հաղթել է մրցավարների միաձայն որոշմամբ: 1/8 եզրափակչում Չալոյանը կմրցի Կոլումբիան ներկայացնող Կրիստան Սալգադոյի հետ:
