Ըստ ոստիկանության օպերատիվ հաղորդագրությունների ամփոփագրերիч հոկտեմբերի 26-27-ը Հայաստանի Հանրապետության ոստիկանության ստորաբաժանումները բացահայտել են հանցագործության 94 դեպք, որից 1-ը՝ նախկինում կատարված։
Մասնավորապես, բացահայտվել է սառը զենք կրելու՝ 29, անձնական ունեցվածքի գողության և թմրամիջոցի հայտնաբերման՝ 11-ական, զենք-զինամթերքի առգրավման՝ 7, խարդախության՝ 6, մարմնական վնասվածք պատճառելու ու ընտանեկան բռնության՝ 5-ական, թմրամիջոցների, հոգեմետ նյութերի և դրանց պրեկուրսորների մաքսանենգության՝ 4, յուրացնելու կամ վատնելու, կաշառակերության, պաշտոնեական լիազորությունների չարաշահման, փաստաթղթի կեղծման և ծանր վիրավորանքի՝ 2-ական, կողոպոտի, բնակարանային գողության, գույքը դիտավորությամբ վնասելու, խուլիգանության և ապօրինի ծառահատման՝ 1-ական դեպք։
Հայտնաբերվել է 10 հետախուզվող։ Կամավոր ներկայացել է 8 հետախուզվող։
Գրանցվել է զենք-զինամթերքի կամավոր հանձնման 2 դեպք։
Նախկինում կատարված հանցագործություններից բացահայտվել է մարմնական վնասվածք պատճառելու 1 դեպք։
Անցած 1 օրվա ընթացքում հանրապետությունում արձանագրվել է ճանապարհատրանսպորտային 4 պատահար. 4 մարդ ստացել է տարբեր աստիճանի մարմնական վնասվածքներ:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
