Բռնցքամարտի Եվրոպայի երիտասարդների առաջնությունում 86 կգ քաշային Հենրիկ Ճղրիկյանը նվաճել է ոսկե մեդալ։ Գյումրու մարզադրոցը ներկայացնող` Կարեն Խաչատրյանի սանը, եզրափակչում տպավորիչ հաղթանակ տոնելով չեխ Դավիդ Պոլակի նկատմամբ, հռչակվել է չեմպիոն։
հայ մարզիկը շատ գրագետ մենամարտ է անցկացրել և 3-րդ ռաունդում նոկդաունի ենթարկել մրցակցին։ Այսպիսով՝ Հայաստանի հավաքականն առաջնությունն ավարտում է 2 ոսկե, 2 արծաթե և մեկ բրոնզե մեդալով։
Հիշեցնենք, որ ավելի վաղ չեմպիոն էր դարձել նաև 51 կգ քաշային Հենրիկ Սահակյանը։ 60 կգ քաշային Էլիդա Քոչարյանը և 57 կգ քաշային Մանվել Պետրոսյանը նվաճել էին արծաթե մեդալ, իսկ 60 կգ քաշային Էրիկ Իսրայելյանն արժանացել էր բրոնզե մեդալի։
