Հայաստանում ռուսական դպրոցներ բացելու հարցին է անդրադարձել ՀՀ կրթության, գիտության, մշակույթի և սպորտի նախարարը:
Լրագրողները մեջբերել են օրեր առաջ Ռուսաստանի արտգործնախարար Սերգեյ Լավրովի հայտարարությունը, որ ռուսական մեթոդաբանության ուսուցման ամբողջական ծրագրով դպրոցների նկատմամբ հետաքրքրություն է ցուցաբերել նաև Հայաստանի իշխանությունը:
Վահրամ Դումանյանը վստահեցրել է, որ այս պահին նման հարց օրակարգում չկա: Շարունակելով թեման՝ նախարարը կարևոր է համարել ռուսաց լեզվի մասսայականացումը՝ նշելով՝ այն հաղորդակցության կարևոր գործիք է։
«Մենք, այո՛, հետաքրքրված ենք օտար լեզուների պոպուլյարիզացիայով: Որքան շատ լեզու իմանանք, այնքան մենք ավելի ճկուն, ինֆորմացված, ազատ կլինենք»,- ասել է Դումանյանը:
