ԱՄՆ-ում չեն հաստատել Թուրքիայի նախագահ Ռեջեփ Թայիփ Էրդողանի հայտարարությունն այն մասին, թե Վաշինգտոնն Անկարային F-16 կործանիչներ վաճառելու առաջարկ է արել, հայտնում է Reuters գործակալությունը։
«Ես կարող եմ ասել, որ ԱՄՆ-ը ոչ մի ֆինանսական առաջարկ չի արել F-16 կործանիչների հետ կապված Թուրքիայի հարցման վերաբերյալ»,- ճեպազրույցի ժամանակ հայտարարել է ԱՄՆ Պետքարտուղարության պաշտոնական ներկայացուցիչ Նեդ Փրայսը:
Ավելի վաղ Էրդողանը հայտարարել էր, թե Միացյալ Նահանգները Թուրքիային F-16 կործանիչներ է առաջարկել՝ F-35 ծրագրում ներդրումներ անելու դիմաց, որից Անկարան հեռացվել է ռուսական C-400 հակահրթիռային պաշտպանության համակարգերի գնումից հետո:
