Ադրբեջանի Միլի մեջլիսի պատգամավոր Ֆազայիլ Աղամալին հայտարարել է, որ Ադրբեջանի գերագույն առաջնորդի ներկայացուցչի՝ Ալի Աքբար Օջաղ Նեջաթի գործունեության կարիքը Ադրբեջանում չկա, քանի որ երկրում արդեն կա Իրանի դեսպանատուն՝ գրում է Infoteka24-ը:
Նա նաև կոչ է արել հետաքննություն անցկացնել՝ կապված տեղեկատվության հետ, ըստ որի՝ Օջաղ Նեջաթը իր շուրջը հավաքել է հավատացյալներին և սոցիալական ցանցերում զբաղվել Ադրբեջանի դեմ ուղղված գործունեությամբ:
«Ադրբեջանի նկատմամբ Իրանի թշնամական վերաբերմունքը, իրանական կողմից սպառնալիքներով հայտարարությունները և մեր երկրի հետ սահմանին անցկացվող զորավարժությունները կողմնակալության արտահայտություն են, ինչն Ադրբեջանի հասարակությունը խստորեն դատապարտում է»,- ասել է Աղամալին Trend-ի հետ հարցազրույցում:
Հարկ է նշել, որ Իրանի Իսլամական Հանրապետության գերագույն առաջնորդը մեծ ազդեցություն ունի Ադրբեջանի կրոնական շիա բնակչության շրջանում: Բաքվում փակելով նրա գրասենյակը՝ Ադրբեջանի իշխանությունները, փաստորեն, երկկողմ հարաբերություններում վերացնում են կրոնական գործոնը, կտրում ադրբեջանցի շիաների կապն իրենց հոգևոր առաջնորդի հետ: