Վրաստանի նախկին նախագահ Միխեիլ Սաակաշվիլին, որը կալանավորված է, պատրաստ է ԶԼՄ-ների ներկայությամբ թմրանյութերի թեստ հանձնել՝ չորեքշաբթի լրագրողներին ասել է նրա փաստաբան Բեկա Բասիլայան, տեղեկացրել է Interfax-ը:
Այդ մասին Սաակաշվիլին հայտնել է Վրաստանի վարչապետ Ղարիբաշվիլու հայտարարությունից հետո, որում նշվում է, որ նախկին նախագահի հոգեվիճակը կտրուկ փոխվել է նրա ձերբակալությունից հետո: Ղարիբաշվիլին ասել է, որ Սաակաշվիլին երկիր է վերադարձել պետական հեղաշրջում կատարելու մտադրությամբ, սակայն նրա կողմնակիցները չեն կարողացել ճիշտ կանխատեսել հետևանքները թմրամիջոցներից Սաակաշվիլու կախվածության պատճառով:
«Սաակաշվիլին միշտ պահպանել է առողջ ապրելակերպ: Նա վազում էր, մարզվում և պատրաստ է թմրանյութերի օգտագործման ցանկացած թեստ անցկացնել տեսախցիկների առաջ: Նա գործող վարչապետ Իրակլի Ղարիբաշվիլուն էլ է առաջարկում նման փորձարկում անցնել լրագրողների ներկայությամբ»,- ասել է Բասիլայան Ռուսթավիի բանտից դուրս գալուց հետո:
Սաակաշվիլու մյուս փաստաբանը հայտնել է, որ նախկին նախագահը տեղեկատվության պակաս ունի, բայց նրա բանտախցում հեռուստացույց չեն տեղադրում պահեստում այն չունենալու պատճառաբանությամբ:
Սաակաշվիլին իր կալանավորումը համարում է անօրինական, իսկ մեղադրանքները՝ կեղծված: Նա հացադուլ է հայտարարել:
