Վրաստանի նախկին նախագահ Միխեիլ Սաակաշվիլին Վրաստան է ժամանել պետական հեղաշրջում իրականացնելու համար: Այս մասին հայտարարել է Վրաստանի իշխող «Վրացական երազանք» կուսակցության ղեկավար Իրակլի Կոբախիձեն՝ փոխանցում է РИА Новости-ն:
«Նա Վրաստան է եկել պետական հեղաշրջում իրականացնելու և երկրում անկարգություններ հրահրելու նպատակով։ Ըստ այդմ՝ իրավապահ մարմինները ձեռնարկել են բոլոր միջոցները՝ նրա նոր հանցագործությունը կանխելու համար»,- ասել է Կոբախիձեն:
Ավելի վաղ հայտարարվել էր Սաակաշվիլու ձերբակալման մասին:
Համացանցում տարածվել է Վրաստանի նախկին նախագահի տեսաուղերձը՝ ուղղված իր համակիրներին: Նա նշել է, որ վերադարձել է երկիր՝ «օգնելու իր ժողովրդին»: Սաակաշվիլին կոչ է արել չվախենալ ոչնչից և մասնակցել ՏԻՄ ընտրություններին:
