Սկոպյեի Տոդոր Պրոեսկու անվան մարզադաշտում կայանացավ աշխարհի 2022 թ. առաջնության որակավորման J խմբի չորրորդ մրցափուլի Հյուսիսային Մակեդոնիա-Հայաստան հանդիպումը։ Թեև կողմերն ունեին հաջողության հասնելու հնարավորություններ, սակայն դարպասի գրավում չարձանագրվեց: Հանդիպումն ավարտվեց գոլազուրկ ոչ-ոքիով:
Այս խաղից հետո Հայաստանի հավաքականը 10 միավորով շարունակում է գլխավորել մրցաշարային աղյուսակը: Գերմանիան 9 միավորով երկրորդն է, մակեդոնացիներն ունեն 7 միավոր: Ռումինիան միավորների քանակը հասցրեց 6-ի, Իսլանդիան մնաց 3 միավորով, իսկ Լիխտենշտայնը միավոր չունի:
Հաջորդ 2 ընտրական խաղերում Խոակին Կապառոսի գլխավորած թիմը կմրցի Գերմանիայի (սեպտեմբերի 5) ու Լիխտենշտեյնի (սեպտեմբերի 8) հավաքականների հետ:
Հիշեցնենք, որ ԱԱ-2022-ի ընտրական մրցաշարի մեկնարկային 3 տուրերում Հայաստանի հավաքականը հաղթել է Լիխտենշտեյնի (1:0), Իսլանդիայի (2:0), Ռումինիայի (3:2) հավաքականներին:
