ԵՄ իշխանությունները մտադիր են արգելել ազատ մուտքն ԱՄՆ-ից, քանի որ այդ երկրում աճում է կորոնավիրուսով հիվանդների թիվը: Այս ծրագրերի մասին Wall Street Journal-ը տեղեկացել է դիվանագիտական աղբյուրներից:
Սլովենիան, որն այժմ նախագահում է դաշինքում, խորհուրդ է տվել բացառել ԱՄՆ-ին այն երկրների ցանկից, որտեղից զբոսաշրջիկներին անարգել թույլատրվում է մուտք գործել եվրատարածք:
ԱՄՆ-ն իր հերթին թույլ է տալիս Եվրամիությունից մուտքը միայն խիստ անհրաժեշտության դեպքում, այսինքն՝ հավատարիմ է ԵՄ-ի կողմից առաջարկվող ռեժիմին: Եվրոպական հանձնաժողովի նախագահ Ուրսուլա ֆոն դեր Լայենը նախազգուշացրել էր ամերիկյան կողմին, որ եվրոպական բլոկը թույլ չի տա նման անհամաչափություն:
Վաշինգտոնն էլ պատրաստվում է նոր ջանքեր գործադրել համաճարակի դեմ ամերիկյան տարածքում. կհայտարարվի պարտադիր պատվաստում՝ կորոնավիրուսի դեմ դեղամիջոցի լրացուցիչ, ուժեղացված դեղաչափերով բոլոր նրանց համար, ովքեր արդեն ամբողջությամբ պատվաստվել են երկու դեղաչափով: Հրապարակման պահին ամերիկացիների 61 տոկոսը ստացել է պատվաստանյութի առնվազն մեկ դեղաչափ, իսկ 52 տոկոսը լիովին պատվաստված է:
