Եվրոպա լիգայի խաղարկության փլեյ-օֆֆ փուլի պատասխան՝ «Ալաշկերտ»-«Գլազգո Ռեյնջերս» խաղից առաջ շոտլանդական թիմը Երևանում մարզում չի ունենա։
Հյուրերի նախախաղային մարզումը, ինչպես նաև նախախաղային մամուլի ասուլիսը կկայանան Շոտլանդիայում։ Այս մասին հայտնում է «Ալաշկերտի» մամուլի քարտուղարությունը։
Ինչ վերաբերում է «Ալաշկերտին», ապա Ալեքսանդր Գրիգորյանի թիմի նախախաղային մարզումը կկայանա օգոստոսի 25-ին։
Հիշեցնենք՝ «Ալաշկերտ»-«Ռեյնջերս» հանդիպումը կկայանա օգոստոսի 26-ին՝ «Հանրապետական» մարզադաշտում և կմեկնարկի ժամը 19:00-ին։ Թիմերի միջև կայացած առաջին խաղն ավարտվել է շոտլանդական թիմի՝ նվազագույն հաշվով հաղթանակով:
