Մենք քննարկում ենք, որ ստանանք վատ դատավորներին համակարգից դուրս մղելու ամենաարդար և լավ մոդելը. լրագրողների հետ ճեպազրույցում հայտարարեց ՀՀ արդարադատության նախարար Կարեն Անդրեասյանը: Նրա խոսքով՝ որ դատական համակարգը ֆիլտրացիայի, մաքրման կարիք ունի, բոլորն են ասում, անգամ՝ այս կարգավորումներից դժգոհողները:
«Բոլորս խոսում ենք դատական համակարգը մաքրելու մասին, և այսօր գործող իրական մեխանիզմը կարգապահական պատասխանատվության միջոցներն են: Դա օրինական է, արդար է, ճիշտ է: Եվ ես կարծում եմ, որ կարգապահական վարույթները նույնիսկ քիչ են, և դրանցով ստացված արդար պատասխանատվության միջոցները առանձին ոչ բարեխիղճ դատավորների նկատմամբ նույնիսկ քիչ են եղել»,- նշեց նա:
Անդրեասյանն օրինակ բերեց, որ մարտի 1-ի գործով վճռաբեկից մինչև առաջին ատյանի 24 դատավորից այժմ մնացել է 12-ը: «Այսինքն տեղի է ունցել տարօրինակ զտում, տարօիրինակ ազատում այն դատավորներից, որոնք կասկածելի վճիռներ են կայացրել մարտի 1-ի գործերով, ինչի եմ ասում կասկածելի, րովհետև ՄԻԵԴ-ն էլ որոշում են կայացրել, որ անարդար է: Մեր օրենսդրությունն ինձ թույլ է տալիս հետ գնալ 8 տարի և վարույթներ հարուցել վերջին 8 տարում եղած սխալների ու խախտումների վերաբերյալ»,- ասաց Անդրեասյանը՚
