Սփյուռքի գլխավոր հանձնակատար Զարեհ Սինանյանն ընդունել է Հայաստանի Հանրապետությունում Չինաստանի Ժողովրդական Հանրապետության արտակարգ և լիազոր դեսպան Ֆան Յոնգին:
Շնորհավորելով կոմունիստական կուսակցության հիմնադրման 100-ամյակի առթիվ՝ Զարեհ Սինանյանը կարևորել է հայ-չինական բարեկամական հարաբերությունների զարգացումն ու խորացումը:
Հանդիպման ընթացքում կողմերն անդրադարձ են կատարել Չինաստանի փոքրաթիվ հայ համայնքին, որն աչքի է ընկնում իր ակտիվությամբ և կարգապահությամբ:
Հանդիպման ընթացքում երկուստեք սերտ համագործակցության հույս են հայտնել՝ տեղեկացնում են Սփյուռքի գլխավոր հանձնակատարի գրասենյակից:
