Միացյալ Նահանգների նախագահ Ջո Բայդենի վարկանիշը 50 տոկոսից ցածր է: Այս տվյալները Gallup ընկերությանն են՝ փոխանցում է Lenta.ru կայքը:
Սա Ջո Բայդենի՝ ԱՄՆ նախագահի պաշտոնում ծավալած գործունեության հանդեպ վստահության ամենացածր ցուցանիշն է: Հունիսին այն կազմում էր 56 տոկոս:
Հասարակական կարծիքի հարցման արդյունքների համաձայն՝ հուլիսի 6-21-ը հարցվածների 45 տոկոսը հայտարարել է, որ չի պաշտպանում Բայդենի գործունեությունը: Եվս 5 տոկոսը դեռ կարծիք չի կազմել այս հարցի վերաբերյալ:
