Վրաստանում շարունակվում է պահպանվել համաճարակային բարդ իրավիճակը: Հուլիսի 21-ի դրությամբ հանրապետությունում արձանագրվել է կորոնավիրուսով վարակման 2 415 նոր դեպք, ընդհանուր քանակը երկրում 393 360 է՝ գրում է aliq.ge-ն:
Վրաստանում վարակից մահացել է 26 մարդ, ընդհանուր՝ 5 618, բուժվել է 943 պացիենտ:
Հիվանդությունների վերահսկման և հանրային առողջության կենտրոնի տնօրեն Ամիրան Գամկրելիձեի հաղորդմամբ՝ համակարգող խորհրդին առաջարկվել է բաց տարածքներում դիմակ կրելը պարտադիր դարձնել:
Վարակաբանի խոսքով՝ երկիրը կարմիր գոտի է մտել: Վրաստանն այս պահին այն վիճակում է, որում երրորդ ալիքի պիկի ժամանակ էր: Գամկրելիձեն, միաժամանակ, հերթական անգամ քաղաքացիներին կոչ է արել պատվաստվել: Իսկ Հիվանդությունների վերահսկման ազգային կենտրոնի փոխտնօրեն Պաատա Իմնաձեն խորհուրդ է տվել բնակչությանը հարսանիքներով ու հոգեհացերով չզոհաբերել հարազատներին:
