Պաշտպանության նախարարի պաշտոնակատար Վաղարշակ Հարությունյանը պաշտոնից ազատման դիմում է ներկայացրել: Նախագահականից «Լուրերին» հայտնել են, որ վարչապետի պաշտոնակատարից ստացել են առաջարկություն՝ Վաղարշակ Հարությունյանին պաշտոնից ազատելու մասին: Հարությունյանը պաշտպանության նախարար էր նշանակվել պատերազմից անմիջապես հետո՝ նոյեմբերի 20-ին: Նախագահ Արմեն Սարգսյանը նաև ստացել է առաջարկ՝ զինված ուժերի գլխավոր շտաբի պետի առաջին տեղակալ Արշակ Կարապետյանին պաշտոնից ազատելու մասին։
