ԱՄՆ-ը 2500 աֆղանստանցու կտեղափոխի Միացյալ Նահանգներ, այլ ոչ թե երրորդ երկրներ, ինչպես նախկինում նախատեսված էր՝ հաղորդում է NBC News-ը՝ վկայակոչելով վարչակազմի երեք աղբյուրի:
ԱՄՆ նախագահ Ջո Բայդենը նախապես հայտարարել էր, որ Պենտագոնը տարհանում է Աֆղանստանի հազարավոր քաղաքացիների, որոնք նախկինում աշխատել են Միացյալ Նահանգների հետ: ԱՄՆ-ում մշտական բնակություն հաստատելուց առաջ նախատեսված էր նրանց տեղափոխել երրորդ երկրներ:
Այնուամենայնիվ, 2500 աֆղանստանցու, որոնք արդեն անցել են անվտանգության ստուգումները, թույլ կտրվի իրենց ընտանիքների հետ տեղափոխվել ԱՄՆ, որտեղ նրանք կստանան փախստականի կարգավիճակ:
Եվս 10,000 մարդ կտեղափոխվի ԱՄՆ ռազմաբազա՝ երրորդ երկիր տարհանվելու համար, ինչը կսկսվի մի քանի օրից:
ԱՄՆ-ի հետ աշխատող շուրջ 20,000 աֆղանստանցի դիմել է ԱՄՆ-ում վերաբնակեցման խնդրանքով՝ վախենալով իրենց կյանքի համար ամերիկյան զորքերի դուրսբերումից հետո: Պենտագոնը մտադիր է բոլոր զինծառայողներին Աֆղանստանից դուրս բերել օգոստոսի վերջին՝ թողնելով երկրում միայն մի փոքր զորակազմ՝ Քաբուլում դեսպանությունը պահպանելու համար:
