Սիսիան համայնքի ղեկավար Արթուր Սարգսյանը կալանավորվել է: Դատարանն այսօր բավարարել է Արթուր Սարգսյանի նկատմամբ կալանավորումը որպես խափանման միջոց ընտրելու վերաբերյալ նախաքննական մարմնի միջնորդությունը:
Սիսիանի համայնքապետին մեղադրանք է առաջադրվել պաշտոնեական դիրքի չարաշահման և պաշտոնեական կեղծիքի համար: Սարգսյանի պաշտպանը լրագրողների հետ զրույցում նշել է, որ համայնքապետի կալանավորման վերաբերյալ որոշման դեմ ներկայացնելու են վերաքննիչ բողոք:
