Դարձեք Առաջին ալիքի Արցախի Մեդիա ակադեմիայի առաջին շրջանավարտները: Առաջին ալիքը, Արցախի Հանրային հեռուստաընկերությունը և Արցախի Պետական համալսարանը հայտարարում են Առաջին ալիքի Մեդիա ակադեմիայի ընդունելություն Արցախում:
Մեկնարկում է լրագրողների և հաղորդավարների անվճար դասընթացի ընդունելությունը: Կընտրվեն միայն լավագույն դիմորդները, իսկ առավել ջանասերներն ու տաղանդավորները կհրավիրվեն աշխատանքի Արցախի Հանրային հեռուստաընկերությունում: Ծրագրի տևողությունը 7 ամիս է:
Մեդիա ակադեմիայի շրջանավարտները կստանան եզակի հնարավորություն մասնակցելու ուղիղ եթերի և տաղավարի նկարահանումների, աշխատելու դեպքի վայրում, փորձաշրջան անցնելու Արցախի Հանրային հեռուստաընկերությունում:
Լրացրեք դիմում-հայտն Առաջին ալիքի կայքում՝ www.1tv.am, Մեդիա ակադեմիա բաժնում: Հայտերն ընդունվում են մինչև հուլիսի 10-ը: Դիմել կարող են 18 տարեկանը լրացած բոլոր ցանկացողները, որոնք հետաքրքված են հաղորդավարական գործով և լրագրությամբ: Բաց մի՛ թողեք հեռուստադիտողից հեռուստադեմք դառնալու հնարավորությունը: Հեռուստատեսությունն սկսվում է այստեղից:
