Վրաստանն ու Թուրքիան երկրների միջև ազատ առևտրի մասին համաձայնագրի շրջանակում քննարկել են գյուղատնտեսական ապրանքների սակագների հետագա ազատականացման ու ծառայությունների առևտուրը փաստաթղթում ներառելու հավանականության թեման: Այս մասին տեղեկացրել են Վրաստանի էկոնոմիկայի նախարարության մամուլի ծառայությունից:
Անկարայում կայացել է ազատ առևտրի մասին վրաց-թուրքական համաձայնագրի շրջանակում համատեղ հանձնաժողովի 12-րդ նստաշրջանը, որի ընթացքում երկու երկրների միջև ազատ առևտրի մասին համաձայնագրում փոփոխություններ մտցնելու նպատակով բանակցություններ են ընթացել:
Վրացական կողմը կարծում է, որ համաձայնագրում փոփոխությունն ու գեղատնտեսական ապրանքների սակագների հետագա ազատականացումը կմեծացնի վրացական ապրանքների արտահանման ծավալը Թուրքիա և վրաց արտադրողներին կօգնի իրենց գյուղատնտեսական ապրանքը մրցունակ դարձնել թուրքական շուկայում:
