Թուֆենկյան հիմնադրամը վերջերս դրամական միջոցների հանգանակություն է նախաձեռնել անցյալ տարի Լեռնային Ղարաբաղի պատերազմի հետևանքով վիրավորված երկու արցախցի զինվորների տները վերակառուցելու համար: Միջոցների հանգանակությունը, որի միջոցով պետք է հավաքվի 40 հազար դոլար, վիրավոր զինվորականներին աջակցության՝ Թուֆենկյան հիմնադրամի նախաձեռնության մի մասն է:
2016-ի ապրիլյան պատերազմից ի վեր Թուֆենկյան հիմնադրամն ակտիվորեն աջակցում է վիրավոր զինվորականներին ու նրանց ընտանիքներին:
Թուֆենկյան հիմնադրամից հայտնել են, որ, «դժբախտաբար, 2020-ի պատերազմը զգալիորեն ավելացրել է տուժած զինվորականների թիվը»: Հիմնադրամն ակտիվորեն գործակցում է Արցախի պաշտպանության նախարարության հետ՝ աջակցություն ցուցաբերելու համար պատերազմի վետերաններին ու զոհված զինվորների ընտանիքներին գտնելու գործում, որոնք խիստ օգնության կարիք ունեն:
