Վարչապետի պաշտոնակատար Նիկոլ Փաշինյանը Փարիզում ծաղիկներ է խոնարհել աշխարհահռչակ շանսոնյե Շառլ Ազնավուրի պատվին նոր տեղադրված կիսանդրու առաջ՝ հարգանքի տուրք մատուցելով նրա հիշատակին։
Կիսանդրու բացման արարողությունը տեղի է ունեցել Ազնավուրի ծննդյան 97-ամյակին՝ մայիսի 22-ին, Փարիզում՝ Լատինական թաղամասի Օդեոնի հրապարակում: Քաղաքի այդ հատվածի շենքերից մեկում ապրել են Հայոց ցեղասպանությունից փրկված ու Ֆրանսիայում ապաստանած Ազնավուրյանները:
Կիսանդրու հեղինակն է հայ քանդակագործ Ալիս Մելիքյանը։
Ավելի վաղ հայտնել էինք՝ Շառլ Ազնավուրի ծննդյան 97-ամյակին Ֆրանսիայի մայրաքաղաքում՝ Փարիզում, Լատինական թաղամասի Օդեոնի հրապարակում՝ Մսյո լը Պղենս փողոցին կից, հանդիսավոր կերպով բացվել է Շառլ Ազնավուրի կիսանդրին:
