Խորհրդարանն այսօր քվեարկեց երեկ քննարկած նախագծերը: Ազգային ժողովն առաջին ընթերցմամբ հավանության արժանացրեց Կառավարության ներկայացրած ՀՀ հարկային օրենսգրքում լրացումներ կատարելու մասին և կից ներկայացված օրենքների նախագծերի փաթեթը: Կողմ քվեարկեց 71, դեմ՝ 0, ձեռնպահ՝ 5 պատգամավոր:
ԱԺ նախագահ Արարատ Միրզոյանը նշեց, որ ԱԺ տնտեսական հարցերի մշտական հանձնաժողովն առաջարկել է ՀՀ հարկային օրենսգրքում և կից ներկայացված օրենքների նախագծերի փաթեթը քննարկել հատուկ ընթացակարգով, այսինքն՝ նախագծի երկրորդ ընթերցմամբ քննարկումը կազմակերպել առաջին ընթերցմամբ դրա ընդունումից հետո 24-ժամյա ընթացքում: Խորհրդարանը 73 կողմ և 3 ձեռնպահ ձայների հարաբերակցությամբ համաձայնեց փաթեթը քննարկել հատուկ ընթացակարգով:
