Ֆրանսիայի արտաքին գործերի նախարար Ժան-Իվ Լե Դրիանը Բաքվին ու Երևանին կոչ է արել պայմանավորվել ադրբեջանական զորքերը Հայաստանի տարածքից դուրս բերելու հարցում: Այդ մասին երկուշաբթի
ТАСС գործակալության փոխանցմամբ՝ հաղորդել է Ֆրանսիայի դիվանագիտական գերատեսչությունը՝ նախարարի և իր ադրբեջանցի ու հայ գործընկերներ Ջեյհուն Բայրամովի և Արա Այվազյանի միջև հեռախոսային բանակցությունների արդյունքներից հետո:
«Հայաստանի և Ադրբեջանի սահմանին վերջին լարվածության կապակցությամբ Ժան-Իվ Լե Դրիանը հիշեցրեց Ֆրանսիայի խոր անհանգստությունը և Հայաստանի տարածքային ամբողջականությունը պահպանելուն նրա նվիրվածությունը»,- նշել է Ֆրանսիայի ԱԳՆ-ն:
«Ֆրանսիան ուշադրությամբ հետևում է իրավիճակին և կողմերին կոչ է անում շարունակել քննարկումները՝ ապահովելու համար հայկական տարածքից ադրբեջանական ուժերի անհապաղ դուրսբերումը»,- ասել են Ֆրանսիայի ԱԳ նախարարությունից:
