Մ. Սարյանի տուն-թանգարանում մայիսի 14-ից մինչև հոկտեմբերի 15-ը կգործի ականավոր կոմպոզիտոր, մանկավարժ, հասարակական և երաժշտական գործիչ Ղազարոս Սարյանի ծննդյան 100-ամյակին նվիրված «Մարտիրոս Սարյան. հայրական սեր» խորագրով ցուցահանդեսը:
Կներկայացվեն Մարտիրոս Սարյանի գեղանկար և գրաֆիկական ստեղծագործությունները՝ Հայաստանի ազգային պատկերասրահի, Մ. Սարյանի տուն-թանգարանի և Սարյան ընտանիքի հավաքածուներից:
Ցուցահանդեսի բացման օրը՝ մայիսի 14-ին, առաջին անգամ Հայաստանում կհնչեն Հայրենական պատերազմի օրերին Ղազարոս Սարյանի գրած երկու երգերի մեղեդիները՝ ակորդեոնահար Գեղամ Հովակիմյանի կատարմամբ:
