Մայիսի 9-ին՝ Հաղթանակի և խաղաղության տոնի կապակցությամբ վարչապետի պաշտոնակատար Նիկոլ Փաշինյանն ԱԺ նախագահ Արարատ Միրզոյանի և բարձրաստիճան այլ պաշտոնյաների հետ այցելել է «Հաղթանակ» զբոսայգի:
Կառավարության ղեկավարի պաշտոնակատար ծաղկեպսակ է դրել և ծաղիկներ խոնարհել Անհայտ զինվորի հուշահամալիրի անմար կրակի մոտ և հարգանքի տուրք մատուցել Հայրենական մեծ պատերազմում և Շուշիի ազատագրման պայքարում զոհված հերոսների հիշատակին:
Այնուհետև Նիկոլ Փաշինյանը և մյուս բարձրաստիճան պաշտոնյաները «Հաղթանակ» զբոսայգում հետևել են մայիսի 9-ի տոնական քայլերթին: Տոնական միջոցառմանը ներկա են վետերաններ, ազատամարտիկներ: Նիկոլ Փաշինյանը մոտեցել է նրանց, շնորհավորել տոնական օրվա առթիվ և մաղթել առողջություն:
