Վարչապետի պաշտոնակատար Նիկոլ Փաշինյանը Կառավարության նիստին անդրադարձավ Առողջապահության նախարարության նախաձեռնած պատվաստման շրջիկ կետերին՝ նշելով, որ մեծ ձեռնարկությունները կարող են պայմանավորվել և տեղում պատվաստումն իրականացնել:
«Մենք հիմա մտածում ենք նաև, որ պատվաստում իրականացրած սպասարկման ոլորտի համար թողարկենք պետական հատուկ տարբերանշաններ, որպեսզի մուտքերի մոտ փակցված լինի, և զբոսաշրջիկները վստահ լինեն, որ աշխատակազմի մեծ մասը պատվաստված է, և իրենք հանգիստ կարող են այդ օբյեկտի ծառայությունից օգտվել՝ առանց վարակվելու մտավախության»,- նշեց Փաշինյանը:
Վարչապետի պաշտոնակատարի գլխավոր խորհրդական Արայիկ Հարությունյանն էլ առաջարկեց նմանատիպ պիտակ ու սահմանված նմուշի վկայականներ տրամադրել նաև պետական գերատեսչություններին, որովհետև սա նույնպես պետական գերատեսչությունների պատասխանատվությունն է, և միայն բիզնեսով չպետք է սահմանանափակվել:
