Մայիսի 1-ին ավարտվել է ՀՀ սփյուռքի գործերի գլխավոր հանձնակատարի գրասենյակի «Քայլ դեպի տուն» ծրագրի հայտերի ընդունումը: Ծրագիրն ուղղված է սփյուռքի պատանիների և աղջիկների շրջանում ազգային ինքնության պահպանմանը և իրենց պատմական Հայրենիքի ճանաչողությանը։
Մասնակցության հայտ են ուղարկել 13-18 տարեկան երիտասարդներ աշխարհի 26 երկրից՝ Իռլանդիա, Ռուսաստան, Նիդերլանդներ, Արգենտինա, Վրաստան, ԱՄՆ, Բրազիլիա, Ֆինլանդիա, Դանիա, Հունաստան և այլն:
Ծրագրի պահանջների համաձայն՝ հայտադիմում ներկայացրած բոլոր մասնակիցները մինչև մայիսի 15-ը կստանան նամակներ ընտրական փուլի արդյունքների վերաբերյալ:
«Քայլ դեպի տուն» ծրագիրը կմեկնարկի հունիսի 21-ին Հայաստանում:
