«Տոկիո-2020»-ի կազմկոմիտեն նախատեսում է առանձնացնել հյուրանոց-մեկուսարան այն մարզիկների համար, ովքեր մրցման օրերին կորոնավիրուսի թեստի դրական պատասխան կունենան: Այն գտնվելու է Օլիմպիական ավանի մերձակայքում՝ Հարումիի ծովափնյա տարածքում։
Ընդհանուր առմամբ՝ հիվանդների կարանտինը կտևի մոտ 10 օր: Միջազգային օլիմպիական կոմիտեն կազմկոմիտեի հետ միասին արդեն ներկայացրել է հակահամաճարակային կանոնների առաջին հավաքածուն։ Այդ փաստաթղթի երկրորդ հրատարակությունը լույս կտեսնի շուտով:
