ԱԺ «Իմ քայլը» խմբակցության պատգամավոր Արուսյակ Ջուլհակյանի կարծիքով՝ գերիների հարցը հնարավոր բոլոր հարթակներում բարձրաձայնելը բխում է ՀՀ շահերից:
«Այն ժամանակ, երբ տարբեր հարթակներում այս առումով կար լռություն, նույն ուժերը, որոնք այսօր քննադատում են, ասում էին՝ ինչո՞ւ այլ հարթակներում չի խոսվում: Պետք է գնալ և բոլոր հնարավոր հարթակներում թմբկահարել գերիների հարցը: Հիմա բոլոր հնարավոր հարթակներում թմբկահարվում է գերիների հարցը, ասում են՝ վայ, թմբկահարվեց բոլոր հարթակներում գերիների հարցը: Պետք է բոլոր հնարավոր հարթակներից Ադրբեջանի վրա այդ առումով ճնշումներ լինեն, որպեսզի մենք կարողանանք օր առաջ մեր քույրերին և եղբայրներին վերադարձնել տուն»,- ասաց պատգամավորը խորհրդարանական ճեպազրույցների ժամանակ:
