2020 թվականին 2019-ի համեմատ պետական գնումները քանակապես նվազել են, գնային առումով՝ ավելացել: Հանրային քաղաքականության հետազոտությունների ազգային կենտրոնը ամփոփել է վերջին երեք տարիների պետական գնումների մոնիթորինգի արդյունքները, ըստ որի՝ 2020-ին 3.3 մլրդ-ով ավելի պետական գնումներ են իրականացվել, քան 2019-ին, ընդհանուր՝ 236 մլրդ դրամի: Պետական գնումներում հինգ խոշոր պատվիրատուներն են՝ առողջապահության, պաշտպանության, տարածքային կառավարման և ենթակառուցվածքների նախարարությունները, Ոստիկանությունն ու Պետեկամուտների կոմիտեն:
