Հայաստանի խորհրդարանի պատգամավորները զբաղված են ոչ միայն օրենսդրական աշխատանքով, այլ նաև մասնակցում են աշխարհի ինտելեկտուալ խաղի՝ շախմատի մրցաշարին:
ՀՀ ԱԺ «Իմ քայլը» խմբակցության պատգամավորներ Մխիթար Հայրապետյանը, Արտակ Մանուկյանն ու Արթուր Դավթյանը մասնակցել են եվրոպացի պատգամավորների միջև շախմատի առաջնությանը, որը կազմակերպել է Եվրոպական շախմատի միությունը: Ապրիլի 16-ին խաղարկվել է մրցաշարի առաջին պարտիան, որին մասնակցել է 32 պատգամավոր:
Արտակ Մանուկյանի խոսքով՝ Հայաստանը միշտ էլ ուժեղ է եղել թիմային սպորտաձևերում՝ գրանցելով հաջողություններ: Նա նշել է, որ առնվազն արժանի դիմադրություն ցույց կտան և հույս հայտնել, որ չեն հիասթափեցնի: Առաջին տուրի արդյունքները կներկայացվեն մրցույթի ավարտից հետո:
