Պրոֆեսոր Յոլյանի անվան արյունաբանական կենտրոնը Ֆեյսբուքի պաշտոնական էջում դիմել է հանրապետության քաղաքացիներին.
«Ունենք արյան կարիք
Հարգելի՛ քաղաքացիներ, անհրաժեշտ ու կարևոր են արյան բոլոր խմբերն առանց բացառության։ Ակնկալում ենք ձեր աջակցությունը:
Կյանքի համար պայքարող բազմաթիվ մարդիկ ունեն ձեր արյան կարիքը։ Դարձե՛ք այն դոնորը, ում շնորհիվ կշարունակի բաբախել ևս մեկ սիրտ։
Հիշեք՝ աշխարհում գոյություն չունի որևէ դեղամիջոց, որը կարող է փոխարինել արյանը։
Արյան բանկն աշխատում է երկուշաբթիից ուրբաթ, ժամը 09:00-ից մինչև 12:30:
Դոնորների ընդունումն իրականացվում է անձը հաստատող փաստաթղթով»:
