ՀՀ առողջապահության նախարար Անահիտ Ավանեսյանը լրագրողների հետ ճեպազրույցի ընթացքում անդրադարձավ Հայաստանում «Սպուտնիկ V» պատվաստանյութի օգտագործման հնարավորությանը:
Նախարարը նշեց, որ արտակարգ իրավիճակներով պայմանավորված` COVID 19-ի բոլոր պատվաստանյութերն այս պահին օգտագործվում են, և Հայաստանը տվել է այդ օգտագործման հնարավորությունը:
«Պատվաստանյութերի՝ այս պահին որպես այդպիսին գրանցում չի իրականացվում, որովհետև դրանք դեռ երրորդ փուլի մեջ են, և օգտագործման թույլտվություն կա: Օրենքն ունի մի քանի մեխանիզմ: Այդ մեխանիզմներից մեկն էլ արտակարգ իրավիճակներում թույլտվությունն է, որպեսզի պատվաստանյութն օգտագործվի, և այդ թույլտվությունը տրված է»,- ասաց Ավանեսյանը:
Նախարարի խոսքով՝ բոլոր պատվաստանյութերը, որ կավարտեն կլինիկական հետազոտությունների երրորդ փուլը, ինչ-որ փուլում ավարտական գրանցման վկայական կստանան:
Նախարարը նաև նշեց, որ այս գիշեր Հայաստան ներկրված «Սպուտնիկ V» պատվաստանյութի 15 հազար խմբաքանակի համար վճարվել է 19 դոլար:
