ԱՄՆ Ալաբամա նահանգի Բիրմինգհեմ քաղաքի այգում կիրակի երեկոյան փոխհրաձգություն է տեղի ունեցել, հաղորդում է РИА Новости-ն:
Իրավապահ մարմինների աշխատակիցների խոսքով ՝ կրակոցները սկսվել են տղամարդկանց միջև ծեծկռտուքի ժամանակ, ինչի հետևանքով մեկ կին մահացել է, ևս երեքը հոսպիտալացվել: Նրանց վիճակը գնահատվում է ծանր: Դեպքի պահին այգում հարյուրավոր մարդիկ են եղել:
Ալաբամա նահանգում կրակոցներ են լսվել նաև շաբաթ առավոտյան: Թասկալուսա քաղաքի բարի մոտ փոխհրաձգության արդյունքում վիրավորվել էր 5 մարդ:
