Այսօրվա խաղում Ռումինիայի ազգային հավաքականը դաշտ դուրս կգա սպիտակ, իսկ Հայաստանի ազգային հավաքականը՝ կարմիր մարզաշապիկով: Այդ մասին հայտնում են Հայաստանի ֆուտբոլի ֆեդերացիայից:
Նշենք, որ այսօր՝ ժամը 20:00-ին, Վազգեն Սարգսյանի անվան «Հանրապետական» մարզադաշտում, տեղի կունենա Աշխարհի 2022 թ. առաջնության ընտրական փուլի J խմբի երրորդ տուրի Հայաստան-Ռումինիա հանդիպումը:
Մարտի 26-ին Հայաստանը հյուրընկալվելիս հաղթել էր Լիխտեյնշտեյնի հավաքականին 0:1 հաշվով: Մարտի 28-ին սեփական հարկի տակ 2:0 հաշվով առավելության էր հասել Իսլանդիայի ընտրանու նկատմամբ:
